Comhghairdeas le grúpa ceoil na scoile ‘ Sclimpíní’ atá cáilithe anois don tarna babhta den chomórtas Siansa Gael Linn 2024. Tagann ceoltóirí na scoile le chéile tar éis na scoile gach Luan faoi stiúir a múinteoir Tomás Ó Gealbháín agus tá ochtar acu páirteach sa chomórtas. Go minic tugann ceoltóir áitiúil nó aoi-speisíalta cuairt ar an scoil m.sh Mac Dara Ó Faoláin, Eimear Uí Ghealbháin, Páraic Keane, Páraic Mac Donnchadha agus Caoimhín Ó Fearghaíl chun a gcuid ceoil a roinnt. Táimid go mór faoi chomaoin Comhlucht Forbartha na nDéise a thacaíonn leis an scéim.
Bhí grúpa ceoil na scoile le feiscint le déanaí ar stáitse ag Tionól Nioclás Tóibín 2024.
Grianghraif – Mike Meade