Anois teacht an Earraigh níl cur síos ná insint béil ar a bhfuil d’éachtaí spóirt, cultúrtha agus ealaíne á gcéiliúradh i Meánscoil San Nioclás le seachtainí anuas agus an scoil ag bláthú faoin gcruthaítheacht agus faoin bhfuinneamh atá ag borradh i ndaltaí na scoile.
Cúrsaí Spóirt
Comhghairdeachas ó chroí leis an bhfoireann iomána fé 14.5 agus le Pádraig Ó Murchadha a bhí i bhfeighil na foirne ar an lá, a raibh sárbhua acu le déanaí in aghaidh iománaithe Choc Síon fad is atá an fhoireann camógaíochta ag traenáil go dícheallach faoi stiúir a dtraenálaithe Dearán Ó Droma agus Seán Ó Callanáin don chéad chomhrac eile a bheidh acu agus Craobh na Mumhan ag teannadh leo. Go n-éirí go geal leo ar fad! Beirigí bua.